NOVITADS DALLA CLAUSTRA DA GLION
|
|
|
|
|
|
|
|
|
Caras lecturas, cars lecturs
|
|
Igl onn s'enclina viers la fin e nus mirein anavos sin entginas midadas e novaziuns, denton era sil contonschiu e legreivel. La prevista sigl onn vegnent resta interessanta.
|
|
|
NOSSAS SORAS A TAIWAN HAN BARDIGLIAU
Entochen uss viveva la gruppa da soras taiwanesas ella casa regiunala Tungkank (diocesa Kaohsiung). Ils onns 1960 er'ella vegnida baghegiada per missiunaras europeas e per dunnas giuvnas indigenas, ch'eran entradas ella cuminonza. Las soras han fundau differents pigns domicils el contuorn. Quels han buca saviu vegnir salvai pervia digl avanzament da vegliadetgna dallas soras ils davos onns. Ussa han las sis Taiwanesas restontas bardigliau. Legi cheu dapli davart nies convent Taiwan.
|
|
FERMADA INTERMEDIARA PER IN CAPETEL
|
El ritmus da treis onns ha liug nies capetel general, ina radunonza da soras elegidas dall'entira congregaziun. Midadas che stattan avon porta pretendan denton savens in seschar en sin process da decisiuns a cuorta vesta. Il 2012 vein nus decidiu da menar atras annualmein in pli pign capetel Glion cun las soras dalla casa.
|
|
Perquei ein las vegn soras seradunadas il november per ina reflexiun duront treis dis. Nus vein constatau che nus astgein buca vegnir staunclas, cu ei va per midadas, era sche quellas pretendan cussegliaziun da persunas cumpetentas d'ordeifer.
|
|
APROPOS MIDADAS
|
Sigl 1. da november 2023 vein nus elegiu signur Werner Ibig sco emprem commember civil el cussegl da fundaziun.
|
|
|
BIEN DUEI EI ESSER, NUTRITIV E SANADEIVEL
Buca tut quei che fa queidas, ei il medem mument era sanadeivel. En quei senn ha in team da nos collaboraturs fatg patratgs – per beinmanegiar cun nus soras. Aschia vein nus sco cuminonza da soras saviu guder ina scolaziun divertenta cun agid dad ina piramida da nutriment. Ins ha schau lignar nus: Tgei ei il fundament per il nutriment? Secapescha legums per exempel! Ni: Tgei ch’ei bien, sto denton buca vegnir mintga di sin meisa? Tgei astga buca muncar? Ed il davos il punct culminont dultsch: dessert! Denton mo da dumengias e firaus! Alla fin ha ei aunc dau in per avis dil schef dalla cuschina persunalmein: Igl ei da far stem gia tier la cumpra, tier la reutilisaziun da vanzadiras. Dismetter aschi paucas victualias sco pusseivel, ed ei duei adina gustar bein! La cuminonza dallas soras engrazia als collaboraturs ella partiziun da tgira ed en cuschina per il quitau ch'ei han mintga di per nus e medemamein al team pil nutriment, ch'ei seformaus spontanamein per la scolaziun creativa.
|
|
|
APROPOS FAR STEM
Curdems da victualias s'audan buca tier nus – perquei vein nus decidiu da collaborar cun «United Against Waste». Il team da cuschina ei separticipaus ad in project, al qual igl ei vegniu mesirau in meins ditg, contas victualias che setschentan el rumien. Rodund 30 menaschis el cantun ein separticipai. Nus astgein communicar oz che nus dalla claustra da Glion vein contonschiu in resultat extraordinarmein bien. Nus essan egl entir cantun in dils menaschis cun il pli pign "Food Waste" per hosp. Sin fundament da quei resultat essan nus vegnidas certificadas per ils proxims dus onns! In grond engraziament a nies schef da cuschina, Markus Niehaus e siu team per la collaboraziun e quei grondius resultat, dil qual nus savein esser loschas.
|
|
|
TGI HA GUST SIN QUELLA PLAZZA?
Dapi quater onns s'engascha Christine Imholz tier nus Dominicanas da Glion. Ella ei aunc ca. tochen il mars 24 menadra dalla pintga ovra humanitara, ch'ei vegnida clamada en veta avon rodund 100 onns. Da quellas uras eis ei iu per prender si, nutrir ed educar orfans ellas staziuns da missiun en China. Oz schai igl accent en Brasilia, nua che nus soras vein pigliau ragischs il 1952 – adina ella vischinonza da quels che duvravan agid existenzial. Concretamein munta quei cheu tIer nus: Fundraising (recaltgar daners) e sensibilisaziun per projects socials per dabien da carstgauns agl ur en Brasilia, Guatemala e sillas Filippinas. La plazza dat spazi per formar in svilup creativ da noss'ovra humanitara. Vus anfleis cheu ulteriurs detagls.
|
|
APROPOS NOVA PLAZZA
|
Caroline Schweisgut ei dapi l'entschatta november engaschada sco meinafatschenta en nies menaschi da survetschs. Ella remplazza Ursula Ris, che va en pensiun. Duront otg onns ha Ursula Ris menau ed organisau il destin dil menaschi. Nus engraziein per siu nunstunclenteivel engaschi e giavischein ad ella pigl avegnir biaras novas impressiuns e bials eveniments. Legi cheu dapli davart la nova meinafatschenta.
|
|
Caras lecturas e cars lecturs
|
|
Vus veseis, era nus vein da sedar giu cun bia tematicas e damondas, selegrein denton ussa era sil temps pli ruasseivel e festiv da Nadal, il qual nus giavischein da cor era a Vus.
|
|
