|
|
|
|
NOVITADS DALLA CLAUSTRA DA GLION
|
|
|
|
|
|
|
|
Caras lecturas, cars lecturs
|
PODCAST - DA NIEV ERA TIER NUS SORAS DOMINICANAS
Nus, quei vul dir, las soras dominicanas da lungatg tudestg en Svizra, Tiaratudestga ed Austria – ils 28 da mars vai liber!
|
|
|
El podcast "Cun auters plaids – Dus munds el discuors" sentaupen hosps dalla cultura e societad ord nossas retschas. Moderau vegn nies podcast da Maja Ellmenreich, ina vusch ch’ins auda normalmein sil «Deutschlandfunk». Ils emprems temas vegnan ad esser: "Viver en sempladad", "tradiziuns entretschadas, rituals e lur significaziuns eternas " e "cun sentiment e capientscha ella lavur dalla cuminonza". Ulteriurs podcasts suondan.
|
NUS- QUEI EIN LAS DOMINICANAS DA GLION - MEIN A MARCAU
Sonda, ils 27 d'avrel 2024, dallas 10 – 16.00, anfleis vus nus sin fiera da plugls egl Albertushof a Glion (quasi avon esch-casa). Nus presentein ina vasta purschida: mobilias pintgas, objects da diever, regalins … e dasperas dat ei secapescha era in café cun ina buna petta ni ina ligiongia dil gril. Il recav va en favur dalla procura per la missiun che sustegn ils projects da nossas soras a Brasilia. Cordial beinvegni!
|
|
|
|
L’emprema fin d’jamna da zercladur, vegn ei antic el marcau vegl da Glion. E nus essan era leu dalla partida: Il « bundstag » Ilanz/Glion, el rom dallas festivitads cantunalas per ils 500 onns stadi liber dallas Treis Ligias, ha liug a Ilanz/Glion. En quei connex vulein denton buc tradir dapli – vegni a Glion e mirei!
|
|
Venderdis e sonda, ils 14 e 15 da zercladur, anfleis vus nus al stan da fiera claustrals ella staziun principala da Turitg, mintgamai dallas 11 – 19.00. Al stan da fiera che nus menein ensemen cullas soras dominicanas da Weesen, dat ei mèl d'aviuls, propolis, etgs, tincturas, vinars dultschs da casa... Il marcau/fiera ei ina occurrenza communabla dallas claustras Svizras. Nus selegrein sin vossa viseta e cunzun sin bunas sentupadas.
|
|
Ils 27 da zercladur essan nus a Bischofszell all'exposiziun da rosas. La claustra da Glion cun tut nossas partiziuns (la procura per la missiun, la casa da sentupada eav.). Ultra d’ina sempla concurrenza per las passantas ed ils passants, dat ei era da cumprar agens products e quei ei era gest ina buna caschun per interessants discuors e bialas sentupadas.
|
|
|
..E LU FESTIVEIN NUS: IL DI DALLA MUMMA
|
Il di dalla mumma – in di da famiglia cun mummas, tattas ni cun cars carstgauns ch’ein per nus sco mummas. Nossa cuschina claustrala selegra da vossa annunzia per in bien gentar ils 12 da matg. Nus purschein in fetg bien menu en in bi ambient – sco engraziament a nossas mummas. Cordial beinvegni alla meisa da fiasta ella claustra a Glion.
|
|
|
ED ADINA LUVRAR PER LA PASCH
Cun tut nossas activitads sepreparein nus sin igl gia enconuschent « Ilanzer Sommer », che ha denton liug pér igl uost (save the date : 7 – 10 d’uost). Per la lavur che promova la pasch dat ei negina rama da temps. Nies forum per cultura da pasch, igl organisatur digl « Ilanzer Sommer» s’occupescha en sia quarta ediziun dalla dumonda, co la cultura da pasch po vegnir realisada concretamein el mintgadi. Quei sa entscheiver davos meisa. Il forum porscha discuors, ateliers, films, ponderaziuns, inputs, brats ….ed era recreaziun.
|
|
Caras lecturas, cas lecturs
|
|
En quei senn giavischein nus a vus ina pascheivla primavera e selegrein sin bialas sentupadas ad ina u l’autra occurrenza.
|
|
|
|
|
|
Priura generala dallas Dominicanas da Glion
|
|
|
|
|
|
|
