|
|
|
|
Novitads dalla claustra da Glion
|
|
|
|
|
|
|
|
|
|
|
|
Innovaziun scaffescha futur
Cun quella devisa vein nus entschiet igl onn 2020. Lu savevan nus aunc buca sut tgei cundiziuns difficultusas ch'il mintgadi dalla claustra hagi gleiti da sesplegar. Il coronavirus ha pretendiu da nus enteifer l'atgna casa beinenqual risguard vicendeivel. Nos contacts han stuiu vegnir reduci ad interim marcantamein. Nos survetschs divins festivein nus gia dapi jamnas mo "denter nus". A caschun da quels patertgein nus adina puspei vid ils carstgauns ch'ein s’infectai cun la malsogna caschunada dalla pandemia ed era vida quels che ston temer per lur existenza ni han gia piars quella. Stuschar encunter ils agens cunfins, s'orientar internamein da niev nua che pazienzia e risguard ein pretendi, quei ha era mintgina da nus soras stuiu sentir ed emprender danovamein.
|
Ils 7 da mars digl onn current vessen nus bugen festivau in giubileum da 50 onns. Quei di, avon 50 onns, ei nossa baselgia moderna dalla claustra vegnida consecrada ed inaugurada, ensemen cugl entir baghetg dalla claustra a Quinclas. Il coronavirus ha impediu quella fiasta. Nus vegnin denton a prender suenter ella cun caschun.
|
La Regiun Surselva planisescha la bardigliada en in niev baghetg da scola a Glion
|
Quella novitad ha buca fatg plascher a nus. Novas localitads da scola ella vischinonza dalla staziun da Glion muntan per nus che las scolas dil Center da formaziun Surselva bandunan nossas localitads. Dapli sur d'ils plans dalla Regiun Surselva anfleis vus cheu.
|
Teologas, spiritualas e dunnas dalla baselgia han instradau quell’iniziativa ils 17 da matg, il di da commemoraziun dalla Junia. In'occurrenza speciala en quei connex ha pervia dil coronavirus buca saviu vegnir menada atras. Aschia ein las organisaturas sedecididas da far in inscunter digital via Zoom per l'entschatta digl onn dalla Junia. Il motiv per il qual nus soras sustenin l'iniziativa sa vegnir legius suenter en nossa contribuziun da text cheu.
|
Brasilia, ils paupers ed il virus
|
Nossas soras brasilianas sentan ei: La Brasilia ha da cumbatter dapli ch'in virus: La paupradad, la munconza da higiena ed il plaz da viver restrenschiu. Sora Maria José da nossa congregaziun en Brasilia rapporta.
|
Nossa procura per la missiuns mira anavon
|
Ella fa quei cun examinar pils proxims tschun onns la strategia actuala e dar a quella novas direcziuns pil futur. Quei succeda sut la bitgetta da dr. Odilo Noti, ch'ei dapi il matg digl onn current president dalla Fundaziun Herbert Haag per libertad ella baselgia. Legi vinavon.
|
|
Nus giavischein a Vus in bi temps da stad e s’annunziein igl atun cun in’ulteriura ediziun da nossa newsletter
|
|
|
|
|
|
|
|
|
|
