|
|
|
|
Novitads dalla claustra da Glion
|
|
|
|
|
|
|
tema digl onn 2019: missiun
|
Missiun munta emissiun/tarmetter. Sco soras dominicanas essan nus tarmessas per purtar il messadi dalla carezia da Jesus Cristus ora tier ils carstgauns ed entuorn igl entir mund. Ed adina pli ferma daventa era la damonda suenter nossa responabladad per quest mund. Ils fastitgs dil viadi che nus soras fagein anfleis Vus ellas suandontas contribuziuns:
|
|
Tiara ed igl uorden dominican
|
Igl impuls per quella gruppa da lavur ha la sora dominicana Hanna Remke da Schlehdorf (Bavaria) dau. Siu giavisch eis ei stau da radunar soras or da tuttas cuminonzas dominicanas allas qualas la protecziun dalla scaffiziun schai a cor. La gruppa ha priu il num Tiara ed uorden. Cheu anfleis Vus dapli leutier.
|
|
Nossa procura per las missiuns
|
|
Suenter l'emprema uiara mundiala (1914 - 1918) ein las empremas soras da Glion viagiadas ellas missiuns. Lur finamira era la China. Suenter la secunda uiara mundiala (1939 - 1945) ein las empremas soras partidas ils onns 50 en Brasilia. Ellas accumpignavan famiglias da purs dalla Germania ch'eran vegnidas scatschadas e vulevan anflar leu ina nova existenza.
|
|
Il focus dalla lavur ei sestuschaus dapi lu, geograficamein ed era neu dil cuntegn. Mo tut cuosta, oravontut il manteniment ed il svilup dils projects. Per saver realisar quei pren la procura dallas missiuns encunter donaziuns.
|
Igl uost ha nies menader dalla procura per las missiuns, Pius Süess, organisau per donaturs interessai in viadi en Brasilia. Il rapport detagliau anfleis Vus
|
|
Sut quei tetel capin nus enteifer igl uorden il contact e las sentupadas denter soras e frars denton era culs carstgaus el cerchel d'amitgas ed amitgs. Input ed organisaziun dalla sentupada im digl atun ein stai els mauns da nossas soras.
|
|
Nossa stalla da nadal ed il bazar dalla claustra ein aviarts per Vus naven da sonda, ils 30 da november. Sonda, ils 7 da mars 2020 festivein nus en in survetsch divin festiv 50 onns consecraziun da nossa baselgia claustrala.
|
La fin da mars ha la secunda occurrenza „Ilanzer Klostergespräche“ liug cun Corin Curschellas, la purtada dil premi da cultura grischun 2018. E la proxima sentupada en claustra ei planisada per il venderdis, ils 8 da matg 2020, cun il tema „tschittas“ las qualas ein periclitadas en lur diversificaziun. Nus selegrein fetg da beneventar Vus tier ina ni l’autra occurrenza.
|
Nus giavischein a Vus ussa in fetg bi temps d’advent, ina benedida fiasta da nadal ed in bien pass en in ventireivel onn 2020 e buna sandadad!
|
Las soras dominicanas da Glion
|
|
|
|
|
|
|
|
|
|
|
|
|
|
