|
|
|
|
Novitads dalla claustra da Glion
|
|
|
|
|
|
|
|
|
|
|
|
SCAFFIR SPAZI PER FUTUR E PASCH
|
Quella tematica fatschenta nus actualmein fetg. Il 2020 vein nus saviu fundar ella Casa da sentupada il «Forum für Friedenskultur» Cu nus vein sin iniziativa da quei forum menau atras igl uost digl onn vargau l’emprema ga igl «Ilanzer Sommer»,
|
sminavan nus aunc nuot dad in’uiara ell’Europa.
|
|
|
sogn Dumeni - in carstgaun dalla pasch
|
Ils 8 d’uost festivein nus mintgamai il di da commemoraziun da sogn Dumeni El era medemamein in carstgaun dalla pasch.. El ha fundau igl uorden dominican, era numnaus uorden dils predicaturs. Eis ei casualitad che sia fiasta croda per la secunda ga ell’jamna digl «Ilanzer Sommer»?
|
|
|
Il futur entscheiva cun ussa
|
|
Ina cultura da pasch drova vastadad e spazi. Significonts ein nos capetels generals, ils quals han liug en intervals regulars, uonn duront l’emprema mesadad october. Las delegadas ch’ein elegidas dalla basa fuorman ina sort parlament, il qual definescha entras sias decisiuns las prioritads dils proxims onns. Quella ga sut il pretext:
|
|
Scaffescha in vast spazi en tia tenda.
|
Cun quei plaid dil profet Jesaja essan nus sefatschentadas il zercladur a caschun da nies di da studi en cuminonza. Quei vein nus fatg sco preparativa persunala per las sfidas, ch’il capetel general savess purtar a nus.
|
|
|
Gliendisdis pastgas al Lag Bodan
|
Prender part al marsch silla via internaziunala dalla pasch sper il Lag Bodan fa effect en la publicitad. Gliendisdis Pastgas han sora Monika Hüppi, cussegliera generala da nossa cuminonza, e Christine Imholz, menadra da nossa procura dallas missiuns, tschentau a Bregenz in segn encunter l’uiara e per la cultura da pasch. In emprem schatg sigl «Ilanzer Sommer». La fotografia ei d’anflar cheu.
|
Biars carstgauns han in giavisch intern d’astgar viver inaga en ina claustra. Denton mo paucs dattan spazi a quei desideri. Claustra per in temps – sut quei tetel capin nus ina dimora duront in per meins. La dunna ch’ei pertucca survegn per quei temps definiu ina combra. Ella pren part da nossa oraziun quotidiana en baselgia e vegn cun nus a meisa. Ella separticipescha tenor cunvegnientscha era a differentas lavurs ch’ein da liquidar en claustra. Legi cheutier in rapport d'experientscha..
|
|
|
Claustra veglia - nova destinaziun
|
|
Il 1970 eis ei stau aschi lunsch. Nus vein saviu bardigliar naven dalla claustra veglia sper il spital si el baghetg niev e modern sur il marcau da Glion. Ella claustra veglia ha da sias uras la scola da tgira (Bündner Fachschule für Pflege) saviu nezegiar las localitads sur plirs onns – tochen ch’ella ei (deplorablamein) vegnida serrada. El decuors dils suandonts onns ei il baghetg dalla claustra cul curtgin vegnius vendius per diever dad in niev project. Dadovart ha la claustra – grazia alla protecziun da monuments – salvau per gronda part sia pareta. Endadens ei vegniu creau habitaziuns, stanzas da terapia ed auter pli. Davos si sesaulza ussa in ault bloc da habitar, ch’ei buca da surveser – cun access al baghetg vegl ch’ei vegnius renovaus.
|
|
|
«Schichtwechsel» - nuot auter che crappa
|
|
Crappa mida lur tschentada – per in’exposiziun.
|
|
Sco emprem sto la crappa vegnir alzada ord il sediment, il liug, la tschentada en la qualla ell’ ei vegnida purtada entras spazzadas, glatschers, bovas, cun glera ni era entras intervenziun dil carstgaun ella natira. Schichtwechsel, in’inscenaziun artistica cun blocca da crappa dall’entira Surselva en loghens elegi. Per treis onns. Davos quell’iniziativa stat igl artist da Glion, Christian Aubry.
|
Bauns da seser e craps per meditar – fetg maneivel dalla claustra.
|
|
|
Brasilia - in viadi che vala adina la peina
|
|
Il mars ha Christine Imholz sco menadra dalla procura dallas missiuns giu la caschun d’emprender d’enconuscher tuts dudisch projects socials, che nus sustenin en Brasilia sco ovra humanitara dallas Dominicanas da Glion. Per Christine ei quei stau in’experientscha cun impurtonza extraordinaria e cun bia cordialas sentupadas..
|
|
|
Jeu hai grond plascher d’astgar rapportar a Vus, che nus soras semettein adina puspei sin via, sin la quala nus cartein ch’ella meini nus en in avegnir plein speronza – malgrad la vegliadetgna e falombradad da biaras consoras. Nus vesein nos cunfins, mo el medem mument lein nus buca seschar stermentar dallas sfidas.
|
|
Aschia aschuntel jeu cheu l’oraziun che nus urein dapi Tschuncheismas mintga di communablamein per in bien gartegiar da nies capetel general digl october.
|
|
|
|
|
|
|
Diu, Ti eis il Diu da tuts carstgauns.
|
Ti has clamau Israel da far sia tenda vasta per las roschadas dils pievels.
|
Empleina nus tuts cun Tiu sogn Spért.
|
Nus lein enconuscher, Diu, tgei sfidas che Ti has preparau oz per nus.
|
Arva nos cors, nus lein scaffir spazi per Tei.
|
|
|
|
|
|
Arva il horizont da nies patertgar.
|
Nus lein scaffir spazi pil niev, che nus capin aunc buc.
|
Dai a nus curascha per Tiu futur, pil pass confidont el nunenconuschent.
|
Arva il spazi da nossa tenda.
|
|
|
|
|
|
Priura generala dallas dominicanas da Glion
|
|
|
|
|
|
|
