|
|
|
|
Novitads dalla claustra da Glion
|
|
|
|
|
|
|
|
|
|
|
|
|
Nies tema digl onn: innovaziun scaffescha futur
|
|
Ell'introducziun dall'annunzia per nies davos capetel general (2018) vein nus detg gie al patratg che nus veglien, muentai entras il spért da Diu, serender curaschusamein viers in futur plein midadas. Dapi lu vein nus gia fatg enqual pass marcant. En quei senn eis ei da capir nies tema digl onn, numnaus sura.
|
|
In uorden sto haver ragischs
|
El senn dall'innovaziun ein duas soras da nossa cuminonza s'engaschadas l'entschatta schaner 2020 en la gruppa da lavur tiara ed uorden. Con lunsch anfla la protecziun dil clima e tut quei ch'ei colligiau cun quella ina motivaziun biblica?
|
|
50 onns consecraziun da nossa baselgia claustrala ils 7 da mars – las festivitads han buca giu liug e vegnan spustadas ad interim.
|
|
Il coronavirus che sederasa actualmein fa era a nus in streh tras il quen per las festivitads per il 50avel onn da giubileum da nossa baselgia claustrala.
|
|
En cunvegnientscha cugl Uffeci da sanadad dil cantun Grischun ed en responsabladad enviers nos hosps ha il tgamun dalla claustra decidiu da spustar l'occurrenza sin in datum pli tard.
|
|
L'iniziativa Junia ils 17 da matg
|
|
Quell’iniziativa vegn da teologas e pastoralas sco era da dunnas che s'engaschan per la baselgia. Ei va per far attents che las dunnas vegnan exclausas pervia da lur schlatteina, cu ei va per la cumpetenza da decider ella baselgia.
|
Nus soras sustenin quella iniziativa, era nus ellas claustras da dunnas essan exclausas da process impurtonts da decisiuns dalla baselgia. En quei grau sto ver liug innovaziun, dalla quala nus lein far part: www.juniainitiative.com
|
|
Il sulegl Grischun e nos tetgs plats
|
|
El maletg empalont da nossa cuminonza vein nus stipulau che nus veglien ir entuorn cun quitau cun nossas resursas – en harmonia cun la scaffiziun da Diu.
|
Aschia essan nus sedecididas da schar installar indrezs da fotovoltaica sin nos gronds tetgs plats. Dapli sur da quei en nossas novitads dil fenadur, cu ils indrezs ein installai.
|
|
Sora Ingrid Grave, Soras dominicanas Glion
|
|
|
|
|
|
|
|
|
|
|
|
|
|
