|
|
|
|
Novitads dalla claustra da Glion
|
|
|
|
|
|
|
|
|
|
|
|
Levar si da meisa cun sogn Dumeni
|
A meisa cun sogn Dumeni, aschia senumna nies tema digl onn. En nies davos Newsletter (mars 2021) havein nus rapportau, tgei patratgs e tgei damondas che la reflexiun da quei maletg ord il 13avel tschentaner ha leventau tier nus soras.
|
L’experienza da seser sco cuminonza davos meisa ei enrihonta. Mo suenter in cert temps cloma il mintgadi da star si e continuar. El suandont text informein nus vus davart ils emprems pass.
|
Fundaziun dallas soras dominicanas da Glion
|
Cun nossa fundaziun havein nus fatg in impurtont e decisiv pass el futur. Igl ei stau in liung process intern, cun il qual nus essan semessas sin via avon entgins onns. Mintga sora ha giu la pusseivladad da prender investa els documents dalla fundaziun e da dar giu siu pareri. Las discussiuns ella cuminonza han animau e susteniu il process da decisiun. El capetel general 2018 han las capitularas approbau unanimamein quei pass el futur. Suenter havein nus aunc inagada duvrau in liung flad entochen la fundaziun ils 10 da zercladur 2021. Dapli sur dils motivs ed il senn dalla fundaziun saveis Vus leger CHEU en il rapport dallas medias.
|
|
Il«Forum per cultura da pasch» e l'occurrenza «Ilanzer Sommer»
|
|
Pasch ei dapli che l’absenza d’uiara. Pasch entscheiva egl agen cor. Ella crescha en nossas relaziuns, ella ha influenza per il beinstar da mintga communitad e dalla politica. Pasch ei in bein custeivel, giavischaus dall’entira carstgaunadad. Giavischar la pasch e viver la pasch ei e resta in tema dallas grondas religiuns, malgrad las disdetgas che serepetan adina puspei el decuors dalla historia.
|
Ils 13 da november 2020 havein nus fundau l’uniun «forum per cultura da pasch». Ils 8 d’uost 2021 lantschein nus il project «Ilanzer Sommer» cun in vast program. Ils detagls anfleis Vus sut www.ilanzersommer.ch
|
Ils 8 d'uost – fiasta da sogn Dumeni
|
Ei legra nus zun fetg, che l’emprema occurrenza «Ilanzer Sommer» ha casualmein liug a caschun dalla fiasta dal fundatur da nies uorden, 800 onns suenter sia mort 1221 en Bologna; leu sesanfla era sia fossa. Sora Susanne Noffke, ina dominicana americana, ha scret in fetg bien text sur dalla veta da sogn Dumeni. Quei text cun ina leva modificaziun saveis Vus leger CHEU.
|
Nies viver cun la pandemia
|
Sco dapertut ei Corona era vegnida nunspetgadamein sur da nus ed ha restrenschiu e midau el mintgadi nies usitau program claustral. Nus essan engrazieivlas che neginas soras ein mortas da quei virus. Co nus havein sespruau da dar damogn en nossa gronda cuminonza a quellas pretensiusas situaziuns, anfleis Vus CHEU en quei rapport.
|
La presentaziun dil cudisch da Mariano Tschuor
|
Ils 21 da november 2021 prelegia Mariano Tschuor ord siu cudisch «gesegnet und verletzt – Mein Glaube, meine Kirche». Dapli saveis Vus leger CHEU.
|
|
Caras lecturas e cars lecturs
|
Vus veseis, nus havein malgrad la pandemia, fatg pass curaschus. E sch’igl ei a nus serius cun levar si da meisa ensemen cun sogn Dumeni, vegnan era ils proxims pass necessaris a gartegiar – en siu senn.
|
|
A Vus tuts giavischel jeu recreativs dis da stad.
|
|
|
|
|
|
|
|
|
|
|
|
|
