Tun dils zenns e cant dils psalms

Ils 14 da zer­c­la­dur, il di dal­la cau­ma dal­las dun­nas, essan nus suanda­das il clom da schar res­u­nar il tun dils zen­ns. Aschia ha il tuchiez dal­la basel­gia dal­la clau­stra tuc­cau dil temps pre­scret, allas 15.30, per sus­tegn dal­las dunnas.

Era fagein nus dapi in temps mint­ga jam­na l’o­ra­zi­un dal­la giev­gia. Nus integrein quella el cant dils psalms da nos­sas via­spras. L’i­ni­zia­ti­va per quei ei vegni­da dal­la clau­stra dal­las Bene­dic­ti­nas da Fahr (sper Turitg). Quei urar com­mun­ab­lam­ein regor­da nus ch’ei dat bia che basegna ina refu­or­ma en nos­sa basel­gia, ora­von­tut en sias struc­tu­ras. Quei ein struc­tu­ras che pro­mo­van e con­fer­man la posi­zi­un pre­do­mi­non­za dils umens. Per midar in sistem ch’ei car­schi­us sur tschen­ta­ners, dro­va ei ultra dal­la resi­sten­za huma­na il sus­tegn dil Spért divin.

In citat orda quella oraziun:

„Ina basel­gia ver­deiv­la ei avi­ar­ta per car­st­gauns, inde­pen­den­ta­m­ein da lur ori­gin, nazi­u­na­lit­ad ed ori­en­ta­zi­un sexu­a­la. Ella ei cheu per car­st­gauns, dils quals la skiz­za dal­la veta ha appa­ren­ta­m­ein fatg nauf­ra­gi ed accep­ta quels cun lur rut­ta­di­ras e svia­das. Ella giudi­che­scha buc e con­dem­ne­scha buc, mobein sefi­da che la for­za dil Sogn Spért age­schi era leu nua ch’ei para tenor tut­ta logi­ca nun­rea­li­stic. Diu, nus rughein Tei per for­za e spe­ron­za.” (www.gebet-am-donnerstag.ch)

Sora Ingrid Gra­ve
Fen­a­dur 2019